Zhvillime të reja vijnë nga ngjarja e Shkodrës, ku përfundoi me një të vdekur dhe një të plagosur. Një ditë pas vrasjes së Fatos Ferracakut, blutë e Shkodrës kanë shoqëruar Mustafa Licin, anëtar i këshillit bashkiak të Shkodrës.
Burimet jo zyrtare thonë se shoqërimi i tij është bërë në orët e para të ditës, pasi motori i djegur është gjetur në lagjen ku jeton familja Lici.
Ai është marrë në pyetje, dhe ka qëndruar në komisariat për 6 orë. Vrasja ndodhi në një zonë të mbipopulluar.
Atentatorët ishin kujdesur deri në detaje që të mos identifikoheshin, ndërsa mbanin në kokë skafandra. Policia e Shkodrës po heton në disa pista mbi ekzekutimin e 40-vjeçarit.
Në drejtim të 40-vjeçarit i cili ndërroi jetë në spital, është qëlluar me një pistoletë, ndërkohë që në vendin e ngjarjes janë gjetur 8 gëzhoja.
