Kreu i grupit parlamentar të LSI-së, Petrit Vasili ka kërkuar shkarkimin e menjëhershëm të kryeministrit Rama, të cilin e akuzon për shkelje shumë të rëndë të Kushtetutës.
Deri më tani ka pasur një përplasje dhe krisje politike mes Presidencës dhe Kryeministrisë lidhur me dekretimin e Lleshit si ministër të Brendshëm, refuzuar deri më tani nga Meta.
Por, tashmë ka reaguar edhe LSI që ‘nxjerr’ një tjetër problematikë e shkelje, duke u bazuar te kërkesat dhe letrat e shkëmbyera mes institucioneve përkatëse.
Fillimisht ishte Presidenca ajo që publikoi sot 14 pyetjet dërguar ministres së Mbrojtjes, Olta Xhaçka, duke i kërkuar shpjegime për karrierën e Lleshajt. Ky i fundit, dyshohet se është paguar njëkohësisht nga Ministria e Mbrojtjes, por edhe nga Kryeministria si këshilltar i Ramës, duke shkelur kështu Kushtetutën.
E duke u bazuar në këto dyshime, Vasili kërkon që Rama të lërë postin e Kryeministrit, teksa shkruan se “u provua sheshit shkelja shumë e rëndë e Kushtetutës nga kryeministri, Qeveria dhe Lleshi me emërimin e tij zv.ministër i Brendshëm duke qenë gjeneral aktiv”.
Çfarë shkruan Vasili:
Te shkarkohet kryeministri per shkelje shume te rende te kushtetutes.
Tashme u provua sheshit shkelja shume e rende e Kushtetutes nga Kryeministri,Qeveria dhe Lleshi me emerimin e tij zv.minister i brendshem duke qene gjeneral aktiv.
Kryeministri qe shkel ne menyre flagrante kushtetuten s’mund te qendroje me asnje sekonde ne ate karrige.
Perpara Ligjit te gjithe jane te barabarte.
