Mbrëmjen e djeshme, 31-vjeçari Besmir Hakballa mbeti i plagosur në këmbë. I riu menjëherë është transportuar për ndihmë mjekësore në Spitalin rajonal Elbasan, dhe ndodhet jashtë rrezikut për jetën.
Lidhur me ngjarjen që ndodhi në Peqin, Adriatik Mezja është autori i dyshuar i plagosjes së Besmir Hakballës.
Shkak për plagosjen mësohet se është bërë një sherr i çastit në lokal, mes autorit dhe të plagosurit. Teksa ndodhet jashtë rrezikut për jetën, dhe aktualisht nën kujdesin e mjekëve, 31-vjeçari është kujdesur që edhe të postojë ‘selfie’në rrjetet sociale nga spitali.
