Një 77-vjeçar mbeti i plagosur gjatë një aksioni të forcave RENEA në Divjakë. Burimet bëjnë me dije se tashmë kanë nisur verifikimet, pas plagosjes së 77-vjeçarit Haxho Lika.
Sipas mjekëve, Lika kishte plagë në kokë, por nuk i gjetën plumb. Ndryshe nga policia, e cila deklaroi se Lika ka mbetur i plagosur në rrethana të paqarta, familjarët pretendojnë se forcat RENEA e qëlluan kur ai ishte në gjumë, me plumb në kokë.
Gjatë një aksioni të para disa ditëve të forcave RENEA, për arrestimin e dy të dënuarve për vrasje në fshatin Rremas të Divjakës, Lika mbeti i plagosur.
