Gjykata e Tiranës ka vendosur të pushojë çështjen penale ndaj deputetit të PS-së, Spartak Braho.
Ky i fundit u padit nga ish- drejtori i Institutit të Studimeve të Krimeve të Komunizmit (ISKK), Agron Tufa, për fyerje e shpifje, ndërsa kërkoi nga socialisti shumën prej 250 000 lekë si dëmshpërblim.
Trupi gjykues i kryesuar nga gjyqtari Sokol Pasho vlerësoi se kërkesa e ngritur nga z.Tufa nuk përmbush kriteret ligjore në kuptim të legjitimimit aktiv të kërkuesit dhe nuk mund të merret në shqyrtim prej kësaj Gjykate, ndaj edhe çështja duhet të pushohet.
“Gjykata vendosi, pushimin e çështjes penale nr.107 akti datë 05.12.2019 me viktimë akuzuese Agron Tufa dhe të akuzuar Spartak Braho, me objekt fajtor i të akuzuarit për veprën penale “Fyerja” dhe ‘Shpifja”, të parashikuara nga nenet 119 e 120 të K. Penal si dhe “Shpërblimi i dëmit’, në shumën 250.000 lekë. Shpenzimet procedurale siç janë bërë. Kundër këtij vendimi mund të ankimohet në Gjykatën e Apelit Tiranë brenda 15 ditëve”, thuhet në vendimin e Gjykatës.
