Një video e cila po bën xhiron në rrjetet sociale, dëshmon qartë sesi mbrohet nga rojet e sigurisë kryeministri izraelit Benjamin Netanyahu, pasi njoftohet se po ndodh një sulm me raketë.
Sikundër duket qartë dhe nga pamjet në fjalë, forcat e sigurisë janë vënë menjëherë në lëvizje, ndërsa e kanë rrethuar për të qenë më i sigurt. Ky është momenti kur kryeministri mëson nga shoqëruesit e tij, se një raketë është lëshuar nga Rripi i Gazës në qytetin Ashkelon, ku Netanyahu ndodhej për fushatë politike.
Për shkak të sulmit me raketë, ai është strehuar në një dhomë që përballon sulmet me bombë. Ende askush nuk ka marrë përgjegjësinë për sulmin, por Rripi i Gazës është nën kontrollin e militantëve të Hamasit.
Mediat izraelite raportuan se nuk pati asnjë person të lënduar nga ata që merrnin pjesë në aktivitetin politik. Pas sulmit me raketë, Netanyahu vijoi fushatën politike, për zgjedhjet e përgjithshme që pritet të mbahen në mars 2020.
Pse rrogat rriten në letra, por varfëria rritet në realitet?
