Pas rreth një dekade në ndërtim, shtëpia më e madhe në botë është në shitje. 340 milionë dollarë është vlera e rezidencës gjigante 105.000 metra katrorë. Ajo ndodhet në Bel Air, të Los Anxhelosit, SHBA.
Kjo rezidencë ka 21 dhoma gjumi, 42 tualete, një garazh për 30 makina, pesë pishina, si dhe një teatër me 30 vende. Pjesa më tërheqëse e pronës është pamja e saj 360 gradë, që shtrihet deri në Oqeanin Paqësor në perëndim dhe Malet San Gabriel në lindje, shkruan Daily Mail.
Madje nuk është vetëm shtëpia më e madhe në tokë, por gjithashtu edhe prona më e kushtueshme personale për të dalë në treg, në historinë amerikane.
“The One” quhet ndërtesa, të cilës iu deshën tetë vite që të ndërtohet, dhe u desh puna e 600 punëtorëve që kjo mrekulli arkitektonike të bëhej realitet.
Rezidenca është projektuar nga arkitekti Paul McLean dhe zbukuruar nga projektuesi i brendshëm Kathryn Rotondi. Fotografitë e reja të paraqitura në Architectual Diges japin një pamje në shtëpinë e përfunduar së fundmi.
