Reperi Arkimed Lushaj, i njohur me emrin e artit ‘Stresi’, i cili u ndalua nga policia pak ditë më parë, do të hetohet në gjendje të lirë. Vendimin e dha sot Gjykata e Tiranës, pas kërkesës së Prokurorisë.
Gjykata e Tiranës, ka dhënë masën “Detyrim paraqitje” për reperin Arkimed Lushaj.
“Stresi” u arrestua ditën e premte sëbashku me një shokun e tij, pasi u kapën në flagrancë duke konsumuar kokainë në një lokal bastesh.
Policia sekuestroi një qese ambalazhi brenda të cilës kishte një sasi pluhuri me ngjyrë të bardhë, e dyshuar e llojit kokainë, një pjatë porcelani sipër të cilës kishte një sasi pluhuri me ngjyrë bardhë dhe dy karta karburanti.
Në dëshminë e tij para uniformave blu, ‘Stresi’ ka pranuar se ka qenë duke konsumuar kokainë, por ka thënë se lënda narkotike nuk ishte e tija.
