Gjykata e Apelit Tiranë, ka kërkuar rikthimin në burg të Genci Tafilit. Ky vendim është marrë katër vite pasi Tafili fitoi lirinë me kusht nga Gjykata e Krujës. Vulën e lirimit të tij e vendosi gjyqtarja Enkelejda Hoxha, e cila ndodhet edhe vetë pas hekurave.
Vlen të theksohet se pas prangosjes, u morën nën shqyrtim të gjitha vendimet e Hoxhës, e cila ka liruar nga qelitë të dënuarit me burg të përjetshëm. Një prej tyre ishte edhe Genc Tafili, i cili është dënuar me 25 vite burg në vitin 2000.
Genc Tafili me vëllanë, Admir Tafilin akuzohen dhe u dënuan për vrasjen e komisarit të policisë Arben Zylyftari. Genc Tafili kreu 17 vite burg nga 25. Ai u dënua për vrasjen e Arben Zylyftarit në vitin 2000 gjatë një shkëmbimi zjarri.
