E diel, 20 Qershor, 2021
18.5 C
Tirana

Merkato e trajnerëve, ja lëvizjet më të fundit në Evropë

Merkato e kësaj vere ka nisur me dominimin e lëvizjeve të shumë trajnerëve të njohur. I pari që nisi hapjen e kësaj merkatoje ishte Jose Murinjo, i cili prej më shumë se një muaj u përzgjodh për të drejtuar Romën në vend të Fonsekës.

I papritur ishte largimi i Antonio Contes, që dukej se pas fitimit të titullit kampion, do qëndronte te Interi. Pak orë pasi u mësua largimi i Contes nga Inter, një tjetër largim i bujshëm erdhi nga Madridi, ku Zinedin Zidan, i dha lamtumirën Realit të Madridit.

Ndërkaq, mediat italiane kanë dhënë me siguri pranimin e rikthimit të Masimiliano Allegrit në stolin e Juventusit, ashtu siç gazetat sportive italiane flisnin për kontakte të drejtuesve të Interit me trajnerin e Lacios, Simone Inzagin.

Ky i fundit mësohet se është takuar me Presidentin Lotito, por nuk ka lajme të jetë arritur ndonjë divorc. Në lojë pritet të futet dhe Spaleti me disa prej ekipeve që janë pa trajner, por pista më e mundshme për të duket të jetë Napoli. Nuk dihet ende fati i Pirlos, nëse Allegri rikthehet në stol.

Ndërkohë që shumë i shpejtë ishte emërimi i Genaro Gatuzos në drejtimin e ekipit të Fiorentinës vetëm 48 orë pasi kishte lënë Napolin, pasi dështoi ta kualifikonte për në “Champions”.

De Zerbi i Sasuolos habiti të gjithë opinionin sportiv në Itali dhe jo vetëm kur zyrtarizoi largimin nga Serie A për tek Shaktari i Donjetskut.

I bujshëm duket edhe lajmi nga Anglia, ku mediat flasin se Totenham po kërkon rikthimin e Mauricio Pochettinos. Negociatat kanë filluar tashmë, teksa janë bërë dy vite që kur Pochettino la Spursat. Janarin e këtij viti, Pochettino u emërua në krye të PSG, por sezonin e përfundoi pa asnjë trofe, pasi ishte ekipi i Lilës që u shpall kampion në Liga 1 me një pikë më shumë se kryeqytetasit. Argjentinasi mësohet se ka shprehur pakënaqësi në Paris dhe kërkon një rikthim në Londër.

- Reklama -

Më shumë nga kategoria




Të fundit

OBSH e shpall të përfunduar shpërthimin e Ebolës në Afrikën Perëndimore

Organizata Botërore e Shëndetësisë (OBSH) tha se shpërthimi i virusit të Ebolës, që nisi në shkurt në Guinea, ka përfunduar. Ky virus vdekjeprurës, që përcillet...

Levandovski mban gjallë shpresat e Polonisë, Spanja komplikon kualifikimin

Përfundon ndeshja e grupit C, ku Spanja ka komplikuar kualifikimin, pasi Polonia i ka surprizuar, duke i rrëmbyer një pikë. Sfida u mbyll në...

Gjermani, gjenden dy piktura të shekullit XVII në një kosh plehrash

Policia gjermane po kërkon për informacion për dy piktura origjinale nga artistë evropianë të shekullit të 17, të cilat përfunduan në një kosh plehrash...

Kapacitetet e Kosovës për vaksinim në masë të popullsisë kundër COVID-19

Në Kosovë gjatë kësaj jave filloj vaksinimi në masë i qytetarëve kundër COVID-19, me synimin që të vaksinohen deri 320 qytetarë në muaj. Zyrtarë...

Mbi 1 milion vaksina/ Mbërrijnë në Rinas edhe 50 mijë doza të Coronavac

Mbrëmjen e sotme, kanë mbërritur në aeroportin ''Nënë Tereza'', 50 mijë doza të vaksinës kineze Coronavac. Lajmin e ka bërë të ditur kryeministri Edi...