Koreografi i njohur shqiptar Ilir Kerni është emëruar drejtor i Teatrit Kombëtar të Kroacisë dhe pozicionin në fjalë pritet që ta ushtrojë për 4 vitet e ardhshme.
Artisti i mirënjohur është vlerësuar me tituj nga më të ndryshëm, ndër to përmendim: “Artist i merituar”, Urdhri “Naim Frashëri”, “Oskar Ormosh” (2 herë), “Çmimin më të lartë në Kroaci”, etj. Vlen të theksohet fakti se ai ka dhënë kontributin e tij për afro 3 vite për Teatrin Kombëtar të Operas dhe Baletit në Shqipëri, si drejtues i këtij institucioni, ndërsa në verë të 2016-ës u dorëhoq.
Ndërkohë lidhur me pozicionin e tij të ri, baletmaestro është shprehur: “Jam super i lumtur të jem pjesë e skuadrës fantastike të Teatrit Kombëtar të Splitit. Me një ansambël baleti dhe traditë të jashtëzakonshme. Drejtor i baletit nga 10/01/2019- 01/10/2023”.
