Ardian Ismajli u largua nga Kosova dhe vendosi të luajë për Kombëtaren e Shqipërisë. Ai u shndërrua në një lojtar të rëndësishëm dhe u përshtat menjëherë me grupin, ku mori vendin e titullarit.
Në një interviste dhënë për një mediat kroate, Ismajli ka treguar se zgjedhja për të luajtur me Shqipërinë rezultoi e duhura.
“Unë zgjodha Shqipërinë dhe nuk e cilësoj si një gabim të bërë. Rëndësi ka që po luaj dhe nuk e shoh problem që ndërrova Shqipërinë më Kosovën. Është gjithçka në rregull. Gjithashtu, kam bërë shumë progres me skuadrën e Hajdukut”, tha futbollisti shqiptar.
Mbrojtësi 23-vjecar ka treguar edhe për përvojën me Francën.
“Ishte një eksperiencë e madhe për mua që të luaja nën vështrimin e 75.000 tifozëve. Aq sa në një moment mund të them se doja të haja barin. Nëse të gjithë do ishin si mua, do të ishte ndryshe…. Disa lojtarë u impresionuan që në nisjen e ndeshjes.
E pësuam goditjen shumë shpejt dhe ishte e vështirë ta ktheje rezultatin. Nëse shohim statistikat, isha më i miri në atë takim. Të mbulosh lojtarë si Giroud apo Griezman është vërtet e veçantë…”, shtoi Ismajli.
Ndër të tjera, ai shprehu dhe dëshirat e tij: “Së pari dua të fitoj titullin me Hajdukun e më pas të luaj në Bundesligën gjermane”.
