Vetëm pesë muaj luajti me fanellën e Real Madrid në vitin 2018, për t’u larguar në merkaton e verës në Itali, te Juventus. Në vetëm kaq pak kohë Cristiano Ronaldo ia pati dalë të shënojë 28 gola në 22 ndeshje me “Los Blancos”.
Ky vit u mbyll për Real Madrid dhe asnjë nga lojtarët aktual nuk ka arritur të shënojë më shumë gola se sulmuesi portugez. Vendin e dytë e mban Gareth Bale me 27 gola, ndërsa Benzema vjen pas tyre me 18. Në vend të katërt, si për çudi është Sergio Ramos me 10 gola.
Krahasimi në raport me ndeshjet e luajtur e bën akoma më superior Cristiano Ronaldon, i cili i shënoi golat e tij në vetëm 22 ndeshje, Bale zhvilloi 48 paraqitje për të shënuar 27 gola, ndërsa Benzema 53 ndeshje për 18 gola. Këto gola të pakët nga sulmuesit e Real Madrid përkthehen edhe me renditjen e tyre aktuale për golat e shënuar në këtë sezon, vetëm vendi i gjashtë.
