Ish-kreu i Partisë Demokratike në Fier, Luan Baçi tha se edhe pse Komisioni e la jashtë listës së kandidatëve për deputetë, “kontratën” e ka me PD-në.
Në një prononcim për mediat, Baçi deklaroi se e respekton Komisionin.
Baçi shprehet se vendimi i tij nuk është shumë i rëndësishëm për aq kohë sa strukturat e tjera të Partisë Demokratike e kanë vlerësuar maksimalisht.
“Unë e kam kontratën me Partine Demokratike, me strukturat e degës dhe gjithë anëtarësinë e saj që më ka votuar në mënyre plebishitare dy herë për kryetar dege dhe më i vlerësuari, me po thuaj fare kontestime, në votimin që u bë për listën e kandidatëve për deputet. E respektoj komisionin në punën e tij”, Baçi.
