Edhe pse nuk është përfshirë në listat e kandidatëve të PD-së, Enno Bozdo shprehet se nuk ndjen asnjë keqardhje.
Sekretari organizativ në Partinë Demokratike u la jashtë listave nga Basha, ndërsa në një intervistë për GSH, ai tha se është koha për mobilizim, si dhe shprehet i sigurt se PD fiton 71 mandate.
Përse mungon në listën e kandidatëve sekretari organizativ i partisë? Cili është shpjegimi që ju ka dhënë kryetari Basha dhe a ndjeni keqardhje për moskandidimin tuaj?
Enno Bozdo: Sekretari organizativ i shërben Partisë Demokratike në çdo pozicion të mundshëm. Keqardhje? Kjo e tashmja nuk është koha për keqardhje, por për mobilizim nga gjithsecili prej nesh.
Nuk është e ndershme që të kërkosh shkarkimin e kryetarit të një partie politike kur fushata sapo ka nisur. Unë arrij të kuptoj gjithçka, edhe emocionet njerëzore, por fushata është betejë dhe në betejë disiplina është e shenjtë. Ne duhet të bëjmë gjithçka për ta fituar këtë betejë.
