Ditën e djeshme, publikimi në faqen e kryeministrit të 100 nëpunësve të dyshuar për shkelje administrative, shkaktoi bujë të madhe.
Shumë qytetarë reaguan, por jo vetëm. Mes tyre, ishin edhe politikanë në radhët e PD-së dhe LSI-së që e dënuan këtë sjellje të kryeministrit, duke e konsideruar atë të njëjtë me të diktatorit Enver Hoxha.
Por, edhe Rama nuk ka përtuar t’u kthejë përgjigje të gjithë kritikëve. Me anë të një postimi në Facebook, Rama shkruan se “nuk keni parë asgjë akoma”, ndërsa shton se të gjithë abuzuesit do të përballen me një ferr.
Ai përmbyll se gjithçka do të jetë ligjore e transparente, sepse boll u sfilit Shqipëria nga tepsia dhe boll u pataksën njerëzit e zakonshëm nga ferrat e administratës shtetërore.
Më poshtë reagimi i plotë i kryeministrit:
