Stresi ishte në përgjim prej muajsh. Madje, në këto përgjime zbulohet se Lushaj ishte në dijeni se ndodhej nën përgjim. Prandaj, ai u ka kërkuar ndihmë Bajrajve.
“Më ndihmoni të iki jashtë se policia po me përgjon, se sa pashë që po më afroheshin unë e hodha armën”, ka thënë Stresi në një bisedë telefonike.
Por, i ati i tij Sali Lushaj, ka reaguar lidhur me këto përgjime, ku mohon që Stresi t’u ketë kërkuar ndihmë grupit kriminal.
Lushaj ka thënë:
“Ata që janë të interesuar të shpifin, të shikojnë reklamën e lokalit atë natë”.
Sipas tij, telefonata me pjesëtarët e familjes Bajri ka ndodhur për të kërkuar pagesën, lidhur me një performancë të Stresit në lokalin e tyre.
