Ish-ministri i Shëndetësisë në Angli Matt Hancock dha dorëheqjen nga posti i tij, pas publikimit të disa pamjeve, ku ai shfaqej në ambientet e ministrisë duke u puthur me asistenten Gina Coladangelo.
Mesa duket ata nuk kanë shkëmbyer thjesht një puthje por kanë edhe ndjenja për njëri-tjetrin. Media prestigjoze britanike Daily Mail, shkruan se 43-vjeçarja Coladangelo është ndarë nga burri i saj milioner Oliver Tress, për të bashkëjetuar me Hancock.
Në llogarinë e saj në Pinterest, ajo shkroi: ”Sa më gjatë pritja, aq më e ëmbël puthja. Më mirë të vdes nga pasioni sesa nga mërzia.” Ndërkohë, edhe ish-ministri i ka dhënë fund martesës së tij pas 15 vitesh.
Hancock u bë ministër, i ndihmuar nga mbështetja e Kryeministrit Boris Johnson, por pas publikimit të skandalit, dha dorëheqjen nën presionin e fortë nga 80 deputetë.
