Redjan Rraja, 34 vjeç, me profesion stomatolog, u arrestua nga policia ndërsa tentonte të largohej nga Shqipëria drejt Kanadasë.
I akuzuari në lidhje me atentatin ndaj prokurorit Arian Ndoja, rezulton të jetë kushëriri i deputetit socialist Rrahman Rraja. 34-vjeçari u identifikua nga gjurmët e ADN-së të mbetura në makinën e dyshuar të autorëve.
Ndërkohë sipas gazetares Klodiana Lala, dyshohet që Redjan Rraja të ketë qenë ekzekutori në atentatin e prokurorit, nga i cili mbetën të plagosur 3 persona.
Rraja rezulton i skeduar nga policia për precedentë të mëparshëm penalë. Ai ka qenë i dënuar për prishje provash lidhur me ngjarjen në ish-Bllok, ku mbeti i vrarë Elton Çiço.