Pak ditë më parë, Stresi u vu në pranga pas akuzave për “trafik droge” dhe “krime kundër personit”. Endrra e tij u pre në mes pas prezantimit në fesivalin “Kënga Magjike”. Kënga pjesëmarrëse në këtë edicion i dedikohej nënës së tij.
Teksa çështja e tij po hetohet, pas akuzave se është pjesë e një grupi kriminal, shumë pikëpyetje ka se çfarë do të bëhet me konkurimin në “Këngën Magjike”.
Dje, moderatori Ardit Gjebrea e prezantoi këngën “Të du mam”, të reperit gjatë emisionit “E Diela Shqiptare”. Gjatë prezantimit të konkurentëve të javës së kaluar, moderatori përmendi mes emrave të tjerë edhe atë të Stresit.
Me përmendjen e emrit të reperit, pati ovacione dhe duartrokitje që u kaluan pa koment nga ana e Arditit. Mesa duket, ai vijon të jetë pjesë e konkurimit në festival.
