Një i ri nga Italia, i dënuar për trafik doge nga gjykatat shqiptare, është ekstraduar sot në Itali.
Interpoli Tiranë ekstradoi 26-vjeçarin drejt Romës. I riu me iniciale L.P., ishte dënuar me 6 vjet e 8 muaj burg për veprën penale “Trafikimi i lëndëve narkotike”, nga Gjykata e Krimeve të Rënda Tiranë. Tashmë, ai do të vuajë pjesën e mbetur të dënimit në vendin e tij.
“Më datë 18. 10. 2018, në PKK Rinas, nga Interpol Tirana u ekstradua për në Itali, shtetasi L. P., vjeç 26, banues në Itali, pasi Gjykata e Krimeve të Rënda Tiranë, e ka dënuar me 6 vjet e 8 muaj burg për veprën penale “Trafikimi i lëndëve narkotike”, ku do të vuajë pjesën e mbetur të dënimit. Neni 283/a i Kodit Penal,” shkruhet në njoftim.
