Një 39-vjeçar nga Tirana sot në Qafën e Llogarasë është hedhur me parashutë, mirëpo aventura nuk ka përfunduar mirë!
Policia bën me dije se shtetasi me inicialet L.A, është rrëzuar në përroin e fshatit Palasë.
Si pasojë e rrëzimit, 39-vjeçari ka marrë disa dëmtime në trup ndërsa aktualisht po merr ndihmë mjekësore në Spitalin e Vlorës.
Fatmirësisht është jashtë rrezikut për jetën.
“Rreth orës 13:46, në Qafën e Llogarasë është hedhur me parashutë shtetasi L. A., 39 vjeç, banues në Tiranë dhe është rrëzuar në përroin e fshatit Palasë, ku si pasojë ka marrë disa dëmtime në trup dhe po merr ndihmë mjekësore në Spitalin e Vlorës, jashtë rrezikut për jetën”, thuhet në njoftimin e policisë.
