2019-ta nuk ka filluar mirë për Xherdan Shaqririn. Lojtari nuk është aktivizuar në asnjë ndeshje të Liverpool, që nga ndeshja me Manchester United ylli shqiptar i Zvicrës ka luajtur vetëm tre minuta.
Por trajneri i Reds, Jurgen Klopp ka zbuluar se nuk ka asgjë mes tyre dhe se Shaqiri është një futbollist i rëndësishëm për të.
“Jo, jo, të gjithë janë të mirë, të gjithë të mirë“, ka thënë trajneri i Reds. “Si një trajner, nuk më pëlqen të flas për këtë, por asgjë nuk ndodhi midis nesh. Ndonjëherë kemi vetëm 15-20 minuta për të rifituar ritmin. Ai kishte disa probleme në ije, por tani ai është përsëri gati”, tha 51-vjeçari.
Klopp tha se Shaqiri është duke u stërvitur mjaft mirë dhe e përgëzoi atë duke e motivoi për të ardhmen. “Ai na ka ndihmuar shumë dhe do të na ndihmojë gjithashtu. Jam i lumtur që e kam atë“, ka përfunduar trajneri gjerman.
