Ka disa ditë që Prokuroria e Shtetit e ka pranuar raportin nga Zvicra në lidhje me vdekjen e Dafina Zhubit, vajzën me nënshtetësi zvicerane, e cila dy vjet me parë u gjet e vdekur në një banesë në Prishtinë.
Ekspertiza konstaton se Dafina Zhubi është vetëvrarë.
Kjo ekspertizë është bërë nga një institucion mjeko-ligjor në Zvicër dhe është iniciuar nëpërmjet rrugëve institucionale, shkruan Koha Ditore.
Ekspertiza që dëshmon vetëvrasjen e Zhubit është në kundërshtim me pretendimet e Zyrës së Kryeprokurorit të Shtetit, Aleksandër Lumezi, sipas së cilës provat flisnin për vrasje e jo vetëvrasje, dhe për këtë arsye pati kërkuar vazhdimin e hetimeve për këtë rast.
