Personazhet e show bizzit shpesh lexojnë në portale lajme aspak të vërteta. E duket se ata janë mësuar me këtë realitet të ri.
Mariza Ikonomi është bërë shpesh e fejuar nga portalet me moderatorin Isli Islami, kjo pas një pyetësori që iu bë në një intervistë, ku mes shumë meshkujve të ekranit duhet të zgjidhte mes tyre.
Në sensin e shakasë, Mariza zgjodhi moderatorin Isli Islami, dhe kaq iu desh që shpesh të bëhej e fejuar në portale e intervista.
E ftuar sot në “Kafsho”, RTV Ora, këngëtarja rrëfeu një situatë ku miq të ndryshëm, madje dhe komshinjtë e uronin për fejesën. “E mora me shumë gallat, qeshja por të nesërmen tek Rruga e Ambasadave, vjen një shoqja e mamit dhe më uron për fejesën. Na uronin edhe familjarisht. Është shumë funny si situatë, aty e kupton se sa ndikohen njerëzit nga këto fake news. U gëzua gjithë pallati, thanë shyqyr e mbaruam këtë punë, të rregullojmë shkallën se po na vjen dhëndri por unë e kam kaluar me shumë humor”, u shpreh Mariza Ikonomi.
