Gjatë ndeshjes ndërmjet Maqedonisë dhe Shqipërisë në Strumicë, janë shënuar momente të shumta racizmi dhe fyerjesh banale anti-shqiptare.
Mirëpo, të gjitha këto detaje të cilat u vunë re nga të gjithë shqiptarët, nuk janë vënë re nga presidenti i Federatës Shqiptare të Futbollit, Armando Duka.
Gjatë një prononcim për “TCH” pas përfundimit të ndeshjes është shprehur se ajo ishte organizuar në mënyrë perfektë.
“Organizimi ishte perfekt dhe nuk e prisja që gjithçka të shkonte kaq mirë. Megjithatë, udhëtimi i largët ishte një problem më vete”, tha Duka.
Ndërkohë, ai pranoi se Shqipëria nuk e meritonte të dilte me një fitore nga Strumica për atë që dha në fushë.
“Sa i takon ndeshjes, të jem i ndershëm, e pranoj se nuk e meritonim fitoren. Natyrisht që mund ta kishim arritur, por edhe mund të kishim humbur. Duhet të jemi të kënaqur me barazimin”, u shpreh Duka.
