Blutë e Shkodrës kanë identifikuar personin që kanë vrarë mëngjesin e sotëm në lagjen “Partizani” në Shkodër.
Nazmi Bandula është personi i cili u ekzekutua me armë zjarri. Bandula është qëlluar me armë zjarri nga autori, pranë banesës së tij. Ende nuk dihen motivet e ngjarjes.
Viktima është një person me precedent të mëparshme penal, për konflikte brenda familjes. Gjithashtu në 2020, Bandulës iu vendos tritol në mjetin e tij.
Shkodër/Informacion paraprak
Rreth orës 08:15, në lagjen “Partizani”, Shkodër, në rrethana ende të paqarta është vrarë me armë zjarri shtetasi N. B., 55 vjeç, banues në lagjen “Partizani”.
Shërbimet e Policisë kanë rrethuar zonën dhe vijon krehja e saj, me qëllim kapjen e autorit.
Grupi hetimor ndodhet në vendngjarje dhe nën drejtimin e Prokurorisë vijon punën për sqarimin e plotë të rrethanave të ngjarjes.
