710vjeçari Lefter Zhidru terrorizoi dy ditë më parë qytetin e Elbasanit, ku pas një konflikti familjar, nisi të godiste me armë edhe drejt Policisë, nga ku mbetën të plagosur dy të rinj, kalimtarë të rastit.
Ngjarja vijoi të agravohej, teksa pas ndërhyrjes së RENEA-s, Zhidru goditi drejt forcave të Policisë të cilët e asgjesuan më pas me një plumb në kokë.
Djali i Lefter Zhidrus në një rrëfim të bërë së fundmi, tha se ka pasur marrëdhënie mjaft të mira dikur me të atin, por nuk takoheshin prej disa vitesh që pas disa zënkave që kishin pasur. Odisea, 49 vjeç tregoi se i ati kishte gati 5 vjet pa e vizituar.
“Unë jetoj në shtëpi me perëndinë. I ka ardhur dita e perëndisë, kam nja 5-6 vjet, kam pasur marrëdhënie të shkëlqyera. Pastaj bëmë disa llafe. Më foli perëndia mua pastaj. Na lidh një Zot. Jam takuar njëherë me një vëlla nga ana e babait”, tha ai.
Zhidru kishte pesë kallëpe tritol në banesën e tij, të gjitha gati për të shpërthyer. Krahas tyre, ai kishte municion të mjaftueshëm si edhe një bombol gazi që synonte ta përdorte për shpërthim.
