Drejtuesja e komanduar e Prokurorisë së Krimeve të Rënda, Donika Prela, është konfirmuar në detyrë nga Komisioni i Pavarur i Kualifikimit.
Prela është konfirmuar nga KPK, dhe ka kaluar “rrjetën” e Vettingut, pavarësisht denoncimeve nga opozita se është përgjuar në dosjen “339”, teksa ka komunikuar me kreun e bandës së Avdylajve nga Shijaku, Astrit Avdylaj në kohën kur drejtonte Prokurorinë e Durrësit.
Pas gjithë kësaj zhurme, KPK bën me dije se pas verifikimeve të kryera nga trupi gjykues, nuk kishte indicie të mjaftueshme që të hapej hetimi administrativ ndaj Prelës.
