Editorial - Opinione

Shqipëria, shënjestra kryesore e Putinit në Ballkan


               Publikuar në : 10:01 - 05/02/19 S.N

Nga Dr. Joseph Frager “israelnationalnews.com

Që kur Serbia i shpalli luftë Perandorinë Osmane në vitin 1876, rajoni i Ballkani ka qenë një nga konfliktet më të zjarrta në botë. Pas Sirisë, shpërthimi i ardhshëm i madh i dhunës mund të ndodhë pikërisht në Ballkan.

Me Rusinë, që është duke i shtrirë tentakulat e saj në të gjithë globin, duke përfshirë pushtimin prej saj të Gadishullit të Krimesë (të cilën e ka aneksuar) dhe një pjesë të Ukrainës Lindore në vitin 2014, dhe duke ndërmarrë një fushatë të përbashkët ushtarake me Bashar Al Asadin në Siri në vitin 2015, ekziston një shqetësim i madh që lëvizja e ardhshme e Putinit do të jetë një, pushtimi i Ballkanit.

Shumëkush e kujton se ishte Ballkani, që nxiti shpërthimin e Luftës së Parë Botërore, me vrasjen e trashëgimtarit të fronit të Austro-Hungarez, Arkidukës Franc Ferdinand më 28 qershor 1914 nga serbo-boshnjaku 19-vjeçar, Gavrilo Princip.

Gadishulli i Ballkanit përbëhet nga Shqipëria, Bosnja dhe Hercegovina, Bullgaria, Kroacia, Kosova, Maqedonia, Mali i Zi, Rumania, Serbia, Sllovenia, të gjitha dikur nën kontrollin komunist, dhe Greqia dhe Turqia Evropiane me një të kaluar kapitaliste.

Ai gjendet në udhëkryqin e tre perandorive kryesore:Perandorisë Osmane, Ruse, dhe Austro-Hungareze. Sot dihet më së miri fakti që Zonja e Parë e SHBA-së, Melania Trump është nga Sllovenia e Ballkanit. Ka gjithashtu mundësi, që Zonja e Parë të luajë një rol të rëndësishëm në parandalimin e gjakderdhjes në Ballkan.

Gjatë 20 viteve të fundit, konflikti kryesor ka ndodhur në Kosovë. E ashtuquajtura “Diplomacia Tomahawk” e presidentit Bill Klinton, i dha fund konfliktit në vitin 1999. Lufta e Kosovës, filloi në shkurtin e vitit 1998, dhe përfundoi në qershorin e vitit 1999.

Ajo u zhvillua mes forcave të Republikës Federale të Jugosllavisë (Mali i Zi dhe Serbi), që kontrollonin Kosovën para luftës, kundër luftëtarëve shqiptarë të Kosovës – Ushtrisë Çlirimtare te Kosovës (UÇK), me mbështetjen ajrore nga NATO, dhe mbështetje tokësore nga Ushtria Shqiptare.

“Diplomacia Tomahawk”, e presidentit amerikan Klinton, e detyroi presidentin jugosllav Slobodan Millosheviç, të ndalte rrethimin brutal të Kosovës, dhe të negocionte me shqiptarët etnikë të krahinës. Aktualisht, rusët po përpiqen të pushtojnë Ballkanin, në mënyrë që të kenë një mburojë në Evropën Qendrore dhe Mesdhe.

Një nga objektivat e saj kryesore është Shqipëria, e cila për Rusinë është “dritarja e saj në Mesdhe”. Vladimir Putin, po përpiqet të ringjallë ish-Bashkimin Sovjetik, që dikur kishte nën kontroll pjesën më të madhe të Ballkanit.

Nën presidentin amerikan Barak Obama, rusët u lejuan të pushtonin Krimenë, Ukrainën, dhe të dominonin në teatrin e  luftës civile në Siri. Kjo ishte një fatkeqësi e madhe e politikës së jashtme, si për Amerikën ashtu edhe mbarë botën.

Tani i takon presidentit Donald Trump, të parandalojë agresionin e mëtejshëm rus. Putin deri më sot është arritur të mbahet tek pragu i derës. Ai është një ish-agjent i KGB-së sovjetike, prandaj do të zgjedhë momentin kur shefi i Shtëpisë së Bardhë ka shumë më pak pritshmëri, për të pushtuar Ballkanin. Presidenti amerikan, dhe administrata e tij duhet të jenë në gatishmëri të lartë, për të penguar që Ballkani të bëhet një tjetër vatër lufte./ Përshtati TIRANA TODAY

Kthehu
WhatsApp Denonco ne TT