Nuk zgjat shumë aventura e trajnerit Sulejman Starova në futbollin kosovarë, pavarësisht se ekipi i drejtuar nga ai fitoi në ndeshjen e fundit drejtuesit i kanë komunikuar shkarkimin. Ish-trajneri i Partizanit mori drejtimin e skuadrës nga Drenasi më 20 mars, pak ditë pasi u shkarkua nga “Të Kuqtë” por rezultatet nuk ishin ato që priteshin dhe tashmë ka ardhur edhe shkarkimi.
Ferronikeli fitoi të dielën në mbrëmje përballë të sapongjiturve në Superligën e Kosovës, Ballkanit me rezultatin 1-0, por kjo nuk ka mjaftuar që Starova ti shpëtojë shkarkimit. Ai do të mbahet mend si “mbreti” i barazimeve, pasi në 13 ndeshje që e drejtoi këtë skuadër arriti të marrë vetëm 2 fitore, një humbje dhe 10 barazime.
Kjo lëvizje duket se ka qenë e menduar nga drejtuesit e Ferronikelit, pasi tashmë pritet që drejtimin e skuadrës ta marrë ish-trajneri Zekrija Ramadani, lajmi është konfirmuar nga Presidenti i klubit Naser Ramaj.
