Shtetasi Kostandinos Kaçifa sulmoi me armë zjarri të llojit automatik automjetin e policisë, pikërisht sot në ditën e festës së Greqisë.
Në mediat shqiptare ky person u cilësua si “ekstremisti grek”, ai nuk iu përgjigj thirrjeve të policisë që të dorëzohet dhe mbeti i vrarë në shkëmbimin e zjarrit me forcat RENEA.
Ai që u quajt ekstremisti grek në fakt është një person më kombësi shqiptare. Kostandinos Kaçifa është i lindur dhe banues në fshatin Bularat në Gjirokastër. Por kohët e fundit jetonte më shumë në Athinë se në Bularat.
Në fotot që u publikuan në media Kaçifa shihet se së bashku më ushtarë të tjerë grekë më rrobat e ushtrisë greke.
Në ushtrinë grekë futen vetëm ata persona që marrin shtetësinë greke, dhe e kanë të detyrueshëm shërbimin ushtarak. Ky fakt na lejon të aludojmë se Kostandinos Kaçifa kishte pasaportë greke.
Gjithashtu, Kaçifa ishte anëtar i grupit ekstremist grek “Agimi i Artë” i cili njihet për politikat ekstremiste. Ky grup kërkon “çlirimin e Vorio Epirit”, sipas pretendimeve të këtij grupimi Greqia është deri në lumin Shkumbin.
