”Sali Berisha u bë i rrezikshëm pas vitit 2013”. Kështu është shprehur analisti Baton Haxhiu në emisionin ”Opinon”, në lidhje me vendimin e Departamentit Amerikan të Shtetit (DASH), për të shpallur ”non grata’’, ish-kryeminsitrin dhe familjen e tij.
Sipas tij, ky vendim nuk ka fare lidhje me çështjen e Kosovës, pasi sipas tij, Berisha nuk ka bërë ndonjë gjë të madhe për këtë shtet, por ka lidhje me reformën në drejtësi.
Baton Haxhiu: ”Nuk ka lidhje fare Kosova. Berisha nuk ka bërë ndonjë gjë të madhe për Kosovën që të merret ky vendim. Kosova mund të dëgjojë, por në fund të fundit, ata i marrin vetë vendimet, nuk pyesin askënd. Mendoj që ky vendim është marrë për shkak të veprimeve që ka ndërmarrë Berisha pasi është larguar nga qeveria, pas viti 2013, atëherë u bë mjaft i rrezikshëm. Vërtetë, lexojani deklaratat, dëgjojani, e ka penguar reformën në Drejtësi.”
