Gjykata ka liruar nga burgu 2 persona që u arrestuan pak kohë më parë si pjesë e grupit ‘Bajri’, pasi nuk u provua akuza për përfshirjen e tyre në veprimtari kriminale.
Ditën e sotme është caktuar masa e sigurisë ‘arrest shtëpie’ për Denis Brajoviç dhe Klaudio Hoxhalliu, i cili është dhe pronar i ambientit ku u arrestua Safet Bajri, i njohur ndryshe si i “forti” i Shkodrës.
Safet Bajri u vu në pranga në shtator të 2018 në zonën e Xhamllikut në kryeqytet. Ai dyshohet të jetë kreu i një grupi kriminal që kryente trafik droge, vrasje dhe trukim ndeshjesh. Rezulton se Bajri është dënuar edhe nga drejtësia belge për akuzën e shfrytëzimit të prostitucionit, dënim të cilin po e vuan në Shqipëri.
