Ministrja për Familjen në Gjermani, Franziska Giffey ka dhënë dorëheqjen, për shkak të dyshimeve për plagjiaturë në tezën e saj të doktoraturës.
Ajo kishte mbrojtur doktorarurën e saj në vitin 2010 ndërsa në vitin 2019 nisi një hetim nga universiteti i Berlinit.
Giffey nuk priti përfundimin e hetimit por kërkoi largimin nga ky post, shkruan prestigjozja gjermane, BILD.
Edhe pse u largua 4 muaj para zgjedhjeve federale, ajo do të garojë për Bashkinë e Berlinit. Giffey tha se kjo çështje nuk prek kandidimin e saj në zgjedhjet lokale.
“Më vjen keq nëse kam bërë ndonjë gabim në proces. Nëse Universiteti i Lirë i Berlinit… arrin në përfundimin se duhet të më hiqet titulli, unë do ta pranoj këtë vendim. Unë tashmë po tërheq pasojat nga procedurat e vazhdueshme dhe të rënda. Duke vepruar kështu, unë i qëndroj fjalës sime.”, tha ajo.
