Vazhdojnë replikat në rrjetet sociale ndërmjet kryebashkiakut Erion Veliaj dhe Jamarbër Malltezit. Diskutimi ndërmjet tyre ka filluar për çështjen e ndërtimit të një shkolle të re në Kodër në Kamëz, e cila sipas Veliajt do të plotësojë nevojat jetike të komunitetit.
Kryebashkiaku Veliaj në postimin e tij në twitter ka ironizuar Malltezin “të dhëntë Zoti jetë sa më të gjatë që ta shkatërrosh gjer në fund partinë e vjehrrit tënd”.
Postimi:
“Ty or çun të dhëntë Zoti jetë sa më të gjatë që ta shkatërrosh gjer në fund partinë e vjehrrit tënd! Që do e degjeneroje PD-në të protestonte shkollën 9-vjeçare të Kodër Kamzës në tokë private e jo zaptimet e basteve në UBT, nuk e kishte ëndërruar asnjë socialist! Jepi gaz!”
