Televizioni Publik Shqiptar ka njoftuar se punonjësit e saj do t’i nënshtrohen testimit në kuadër të ristrukturimit organizativ të RTSH-së. Kjo strategji synon, që përmes provimit të bëhet kategorizimi i gazetarëve sipas kualifikimit të tyre personal.
Komisioni i testimit të gazetarëve përbëhet nga katër anëtarë, të cilat do të bëjnë vlerësimin e gazetarëve për atë që do pyeten dhe më pas do të marrin statusin përkatës, bazuar në aftësitë e tyre.
Kreu i këtij komisioni do të jetë Bledar Zaganjori, ndërsa nënkryetarë janë Lufti Dervishi, Dori Duka dhe Anila Mgjistari. Gazetarët e emisioneve tematike dhe gazetarët e lajmeve do t’i nënshtrohen brenda ditës së nesërme testit. Ndërsa ky test është urdhëruar nga drejtori i përgjithshëm i TVSH-së, Bledar Zaganjori.
