“Republika e Maqedonisë së Veriut e bëri të veten, tani radhën e ka Evropa që të përfundojë pjesën e saj”, kështu u shpreh kreu i Këshillit të Evropës, Donald Tusk gjatë qëndrimit të tij në Shkup. Tusk me këtë rast përkujtoi në Marrëveshjen e Prespës, ballafaqimin me krizën e migrantëve dhe tejkalimin e krizës politike në vend.
“Mbetem në qëndrimin që kam shprehur edhe në qershor, se vendi juaj gjatë dy viteve të fundit bëri gjithçka që Evropa priste nga ju për t’i filluar negociatat, në pajtim me rekomandimet e Komisionit Evropian. Kjo është edhe më tej bindja ime, vendi juaj bëri çmos… Shkupi është vendi më i mirë nga ku dua të apeloj deri tek liderët e BE-së, tani ju duhet ta përmbushni pjesën tuaj, sepse Republika e Maqedonisë së Veriut tanimë ka mbaruar pjesën e saj”, tha Tusk. /Alsat M
