Zëvendësministri i Punëve të Jashtme të Rusisë, Mikhail Bogdanov, deklaroi se ekspertët turq, rusë dhe iranianë kanë shqyrtuar në detaje parametrat e zonave pa konflikt në Siri, gjatë bisedimeve mes tyre.
“Si rezultat i bisedimeve, Rusia, Turqia dhe Irani kanë rënë dakord parimisht në lidhje me parametrat e zonave pa konflikt”, theksoi Mikhail Bogdanov.
“Disa dokumente janë hartuar me pëlqimin e tri vendeve garantuese”, sqaroi zv/ministri Bogdanov duke shtuar se shpreson që këto dokumente të miratohen në bisedimet për Sirinë, të cilat do të mbahen më 4-5 korrik në kryeqytetin Astanë të Kazakistanit. Ai uroi gjithashtu që në negociatat e radhës në Astanë të marrin pjesë edhe përfaqësuesit e opozitës siriane.
