Aktori i famshëm nga roli i “Iljazit” në filmin “Shamikuqja”, Kadir Inanir është në gjendje të rëndë shëndetësore. Është ky lajmi që ka pushtuar mediat turke dhe ka shqetësuar fansat e aktorit shumë të dashur.
68-vjeçari ka kaluar mpiksje gjaku në tru e cila rrezikon ta lërë të paralizuar. Ai është shtruar me urgjencë në spital dhe i është nënshtruar një operacioni në tru.
Doktori i tij, Ergun Demirsoy ka folur për mediat dhe ka deklaruar se aktori do i nënshtrohet një operacioni tjetër, por dëmi është shumë serioz.
“Ka dëme serioze në arteriet që shkojnë në tru. Ka rrezik paralize”, është shprehur doktori i Kadirit duke shtuar se aktori aktualisht ka dalë nga spitali dhe ndodhet në shtëpi duke pushuar.
