Pamjet e CCTV kapin momentin kur një fëmijë një-vjeçar bie me kokë nga ballkoni, por shpëtohet nga një kalimtar i rastit. Heroi Ruhi Asci po shikonte nga dritarja e një dyqani, kur fëmija rrëshqiti mes kangjellave dhe ra nga kati i parë. Ngjarja ka ndodhur në lagjen Haci Ilyas në qytetin verior turk të Amasya.
I habitur, Ruhi kthehet dhe gjen fëmijën, të quajtur Khatira Amiri, të ulur në beton. Nëna e fëmijës me origjinë afgane doli me vrap dhe foshnja u dërgua me urgjencë në spital nga mjekët.
Mediat lokale raportuan se Khatira kishte qenë duke luajtur në një ballkon apartamenti në katin e parë, kur rrëshqiti nëpër parmakë. Ruhi i habitur tha: “Në fillim mendova se kishte rënë një vazo me lule. Kur u ktheva, kuptova se ishte një fëmijë”.
Asci shtoi: “Ambulanca mbërriti në vendngjarje dhe ata u dërguan në spital me nënën e tyre”. Khatira u dërgua me urgjencë në Spitalin e Edukimit dhe Kërkimit të Universitetit Amasya Sabuncuoglu Serefeddin për kujdes të mëtejshëm mjekësor. Raportet thonë se fëmija u shtrua në spital në një gjendje të qëndrueshme, në shoqërinë e nënës. Është e paqartë nëse autoritetet lokale po hetojnë incidentin.
Burimi i lajmit: dailymail. Përshtatur nga Tirana Today
