Gazeta opozitare Cumhuriyet në Turqi njihet si një nga mediet që propagandon kundër Erdoganit. Ndaj punonjësve të saj po zhvillohen gjyqe për marrjen e masave.
Disa prej tyre u liruan nga burgu të shtunën me një vendim gjyqësor, ndërsa katër të tjerë mbetën në arrest. Jashtë gjykatës qendrore të Stambollit kanë protestuar qindra njerëz që kanë qenë kundër arrestimit të 17 shkrimtarëve, drejtuesve dhe avokatëve të gazetës laike ‘Cumhuriyet’.
Në paraburgim u mbajt kryetari i komitetit ekzekutiv të gazetës Akin Atalay, kryeredaktori i saj Murat Sabuncu, dhe gazetarët Kadri Gursel dhe Ahmet Sik. Gjyqtari liroi me kusht shtatë të tjerë, përfshirë karikaturistin Musa Kart dhe kolumnistin Hakan Kara, që do të thotë se ata nuk mund të largohen nga vendi dhe kanë detyrim paraqitjen e rregullt në komisariatin e policisë.
Prokurorët turq kërkojnë deri në 43 vjet burg për stafin e gazetës. Seanca e radhës do të mbahet më 11 shtator.
