Güngör Arslan, pronari dhe redaktori menaxhues i gazetës lokale Kocaeli Ses, u shënjestrua në një sulm të armatosur në zyrën e tij. I dërguar në Spitalin Shtetëror të Kocaelit pas sulmit të së shtunës (19 shkurt), Arslan humbi jetën. Policia duke kqyrur vendin e ngjarjes, ka kapur të dyshuarin i cili kishte ikur nga vendi i krimit.
Në një deklaratë me shkrim të lëshuar nga Zyra e Guvernatorit të Kocaelit, bëhet e ditur se i dyshuari me inicialet R.Ö., u kap së bashku me armën e vrasjes. Zyra e Guvernatorit bëri të ditur gjithashtu se ka nisur një hetim gjithëpërfshirës për ngjarjen.
Gazetarët dënojnë sulmin
Shoqata e Gazetarëve të Kocaelit (KOCAGE) lëshoi një deklaratë duke dënuar sulmin. Shoqata gjithashtu shprehu dëshirën e saj, që autori ose autorët të kapeshin në një kohë sa më të shkurtër.
Përfaqësuesi i Reporterëve pa Kufij (RSF) në Turqi, Erol Önderoğlu gjithashtu ka bërë një deklaratë në lidhje me sulmin vdekjeprurës. Duke dënuar sulmin në emër të RSF-së, Önderoğlu ka thënë:
“Ne duam që shkaku i sulmit të zbardhet dhe të gjitha palët përgjegjëse të penalizohen në mënyrën më të ashpër të mundshme. Vitin e kaluar, prezantuesi i radios Hazım Özsu u vra gjithashtu në Bursa, nga një person i audiencës së tij që nuk i pëlqyen komentet e tij. Nëse Güngör Arslan i merret jeta për shkak të profesionit të tij, kjo tregon se Turqia nuk është më një vend i sigurt për gazetarët, mes klimës armiqësore që ekziston prej vitesh”.
Ai raportoi kryetarin në artikullin e fundit
Në artikullin e tij të fundit të botuar një ditë para vrasjes së tij, Güngör Arslan shkroi se kryetari i Bashkisë Metropolitane të Kocaelit, Tahir Büyükakın, i kishte dhënë tenderin për Qytetin Shëndetësor me 502 shtëpi që do të ndërtohej nga Kent Konut në Kartepe, kompanisë së mikut të tij të ngushtë Haldız Construction.
Güngör Arslan shkroi, “Duke rrezikuar gjithçka për të shpëtuar Haldız nga kriza ekonomike në të cilën është gjendur, ai i ka dhënë projektin Kent Housing të Komunës Metropolitane të Kocaelit në Haldız Construction. […] Tahir Büyükakkın duhet t’i përgjigjet këtyre”.
Burimi i lajmit: Bianet. Përshtatur nga Tirana Today
