Këngëtarja e muzikës popullore Romina Aliaj, ka patur një përplasje të vogël me moderatorin e emisionit “Zonë e Lirë”, Arian Çani. Ajo ishte e ftuar për të promonuar këngën e saj më të re, me titull “Emigrantë e Diasporë”.
Në fillim të intervistës, Çani i kërkon asaj që të këndojnë “Hajderin Pashën”, e pas performancës Çani i thotë se kishte pak nuanca serbisht në këndim, ku i menjëhershëm ishte reagimi i këngëtares labe. Ajo tha shkurt dhe prerë se nuk dëshiron që të këndojë këngë greke, ndaj i ka kërkuar Çanit që të mos e provokojë.
“Nuk ka shanse. Jam raciste, serbe edhe greke nuk këndoj, kurrë. Nuk i dua grekët, mos më provoko”, u shpreh Romina Aliaj, e teksa Çani insistonte që të këndonte greqisht, i tha këngëtares live në studio “turp të kesh”. Të njëjtën gjë ia ktheu dhe ajo.
Nuk janë të paktat rastet kur Arian Çani ngacmon të ftuarit, për të ‘dalë jashtë vetes’, e për të dhënë një informacion më pikant. E duket se edhe këtë herë ia ka dalë mbanë, duke bërë që e ftuara të rebelohej.
