Një shtetas turk ka tentuar të korruptojë punonjësin e Policisë Kufitare për të udhëtuar drejt Italisë me tragetin Bari-Durrës, por e ka pësuar keq.
Turku, identiteti i të cilit është Mursel Dagli, 32 vjeç, ka futur 100 euro në pasaportë, në çastin që ia ka dhënë atë punonjësit të policisë kufitare, pasi nuk kishte vizë për të kaluar në Itali.
32-vjeçari është arrestuar menjëherë dhe akuzohet për veprat penale “Korrupsioni aktiv i personave që ushtrojnë funksione publike” dhe “Kalimi i paligjshëm i kufirit shtetëror”.
