Turizmi në jug të Shqipërisë do të këtë një konsulent ndërkombëtar i cili do të hartojë një raport final për përparimin e rivierës tonë. Kërkesa për një konsulent ndërkombëtare është bërë nga Fondi Shqiptar i Zhvillimit.
Banka Botërore është ajo që do të financojë projektin i cili është i fokusuar në Zhvillimin e Integruar Urban dhe Turizmin dhe që synon të bëjë një kërkim të detajuar tregu në katër bashki duke nisur nga Gjirokastra, tek Berati, Përmeti dhe Saranda.
Kredia e dhënë nga Banka Botërore kap vlerën 63.8 milionë euro, por financimi për kërkimin e tregut zë vetëm një pjesë të vogël të kësaj kredie.
Por cilat do të jenë detyrat e konsulentit ndërkombëtar?
Së pari është hartimi i një raporti fillestar që do të analizojë situatën aktuale të turizmit në të katërta bashkitë. Së dyti do të zërë vend hulumtimi i tregut. Së treti një plan veprimi si dhe një strategji zhvillimi produkti dhe tregu. Detyra e katërt për konsulentin është zhvillimi i termave të referencës për zbatimin e strategjisë së zhvillimit të tregut.
Sipas parashikimit të procedurave pritet që konsulenti të lidhë një kontratë brenda Shtatorit dhe të fillojë punën në Tetor për ta mbyllur atë në Qershor të vitit të ardhshëm.
Synimi i gjetjeve të studimit por edhe i strategjisë është kthimi i katër bashkive në qendra kyç të turizmit dhe me një vizion afatgjatë, përtej viteve që mbulon projekti i Bankës Botërore.
