Ardhja e Philippe Coutinhos tek Barcelona do të pasohet me një sërë largimesh, për të rikuperuar disi hendekun financiarë të krijuar. Por jo vetëm për këtë arsye, pasi janë disa lojtarë që mund të luajnë në atë pozicion dhe tashmë mundësitë për të luajtura janë të pakta.
Në krye të listës duket se qëndron turku, Arda Turan, i cili në këtë sezon nuk ka qenë pjesë e projektit të Ernesto Valverdes. Është folur shumë për një largim të mundshëm dhe Turan bashkë me agjentin kanë studiuar disa pista të mundshme, si në Premier League tek Arsenal apo në serie A. Por së fundmi ka pasur një takim me presidentin e Istanbul Basaksehir, Goksel Gumusdag.
“Ne e duam Arda (Turanin) që të bëjë histori me ne” ka thënë Gumusdag për Marca. Mësohet se takimi ka qenë frytdhënës për të dyja palët. Basaksehir është i gatshëm të paguajë 5 milionë euro për lojtarin që tani ka mbushur 30 vjet.
