Drejtori i ISSK-së, Agron Tufa ka hedhur akuza ndaj deputetit të Partisë Socialiste, Spartak Braho.
Bashkangjitur një dokumenti të bërë publik, Tufa shkruan se në kohën e komunizimit, Braho ka dhënë dënime kapitale me vdekje.
“Gjyqtari i Kolegjit Ushtarak të PPSH, sot deputeti Spartak Braho, që kanoset nga salla e Kuvendit pluralist për prerje kokash, ka dhëne dhe dënime kapitale me Vdekje.
Në dokumentin e mëposhtëm, (një nga disa dënime me vdekje qe ka dhëne deputeti Braho kur ushtronte drejtësinë enveriste), shihet qarte se sa i politizuar behej akti i dënimit (jopolitik) me vdekje.
Referenca dhe pasqyra e llogarisë është Komiteti i Partisë së rrethit, ndërsa për të dënuarin me vdekje sajohen demonizime, sikur stërvitej për të vrarë kuadrot e ushtrisë. Kjo, si duket, akordohet ne një linjë nxirjeje të të dënuarit me vdekje, i cili, si person, sipas Brahos:
a) nuk është i denjë për të jetuar, si i rrezikshëm;
b) nuk është i denjë për keqardhje e mëshirë, se vjen nga familje e deklasuar qe ka “strehuar kriminelë” me 1948 dhe ka te dënuar politikë, d.m.th, familje antikomuniste”, shkruan Agron Tufa në ‘Facebook’.
