Kryeministri i ri i Greqisë, Kyriakos Mitsotakis nuk ka humbur kohë për të formuar qeverinë. Të dielën u shpall fitues, të hënën u betua tek Presidenti, dhe më pas mori detyrën nga Tsipras, kurse gjatë pasdites prezantoi emrat e ministrave të rinj.
Alexis Tsipras dhe Kyriakos Mitsotakis shtrënguan duart një ditë më parë. Tsipras “i dorëzoi çelësat” e Kryeministrisë fituesit, dhe mes tyre pati një bisedë të shkurtër.
Stafi i ri dhe grupi i punës i kryeministrit Kyriakos Mitsotakis zbuloi disa gjëra në godinën e Kryeministrisë. “Kathimerini” shkruan se dyert e disa zyrave ishin të mbyllura. Arsyet janë të panjohura. Për t’i hapur, u thirrën disa ekspertë. Por ky nuk ishte i vetmi problem. Kudo nëpër korridoret e Kryeministrisë ndihej era e tymit të duhanit.
