Presidenti Donald Trump rifilloi sulmet mbi besueshmërinë e disa organizatave të medias në Shtetet e Bashkuara, pas dorëheqjes së tre gazetarëve të rrjetit CNN, autorë të një lajmi, që më pas CNN-i e tërhoqi për shkak të pasaktësive.
Presidenti Trump shkroi disa herë në Twitter të martën duke kritikuar agjencitë e medieve, pasi CNN-i e tërhoqi një material që e lidhte bashkëpunëtorin e zotit Trump, Anthony Scaramucci me kreun e një fondi investimesh që u raportua gabimisht se menaxhohej nga një bankë e kontrolluar nga qeveria ruse.
Raporti i CNN-it u publikua në faqen elektronike të kompanisë të enjten dhe u hoq më pas nga faqja të premten.
Autori i këtij materiali, Thomas Frank, redaktori i ekipit investigativ Eric Lichtblau dhe përgjegjësi i njësisë së gazetarëve hetues Lex Haris dhanë sot dorëheqjen.
Një hetim i brendshëm i rrjetit CNN arriti në përfundimin se nuk ishin ndjekur procedurat e duhura redaktuese para se lajmi të publikohej.
